الحياة حلوه للى يركبها

حاجة غريبة قوى يا جماعة كل واحد حاطت نفسه فى إزازة وقافل على نفسه وسايب فاتحة بس للعالم اللى بره
بس يا ترى الفاتحة دى ايه الهدف منها ؟؟! للاسف الفاتحة دى بالنسبة لاغلبيتنا باب صغير يطٌل على عالم من الاحزان يعنى الشخص منا وطبعا مينفعش اعمم بس معظمنا بيشوف العالم بيت صغير ملىء بالاحزان والبيت ده بيته طبعا وبالرغم ان البيت ده بيبقى فيه ساعات افراح وابتسامات بس سبحان الله دى طبيعة آدمية ان الواحد منا يبقى عايز كل حياته سعادة وفرح ووقت الحزن يوقف الدنيا كلها ويقول"ليه كده؟" وطبعا ده برضه للاسف بنطبقه فى علاقتنا بربنا إن ربنا بيدى لكل واحد منا نعم كتير واوقات فرح . بس يا ترى احنا بنحمد ربنا على النعم دى " يا ريت نفكر قوى فى النعم اللى ربنا انعمها علينا قبل متضيع منا ونرجع نندم ونقول يا ريت" وطبعا لما ربنا يبتلى حد منا وخلى بالكوا انا مبعممش. بنقول ازاى ده يحصل؟ و.....حاجات كتير متتقلش وللاسف بننسى نقول الحمد لله وبدل مناخد حسنات بناخد جبال سيئات وبنخسر كتير قوى وكمان مبنفقش الا لما يكون الوقت عدى.
انا كان ليه واحد معرفة الله يرحمه هوه عايش بس اتغير كتير قوى علشان كده بقول الله يرحمه لان الانسان اللى انا اعرفه الوقتى اتغير كتير قوى عن ايام زمان.ايه حكاية الانسان ده ؟ اقولكوا ده كان واحد ربنا مأنعم عليه بصحة وزكاء ويعنى كل حاجة تقدر تقول حلوة بس الانسان ده مكنش واخد بالوه من الحاجات دى كلها
فاكرها بتيجى لواحدها وكان للاسف كمان بيستخدمها فى حاجات غلط بس سبحان الله ربنا اداله درس مش هينساه طول عمره هوه درس بسيط قوى خاد منه ابسط حاجة الصحة وبالتدريج واه واه للاسف فاق متاخر بس طبعا منساش حقه فى الكلام اللى مبيجبشى نتيجة يعنى قعد يقول ليه وحرام صحتى ..... وكلام كتير من ده بس فاق فى الاخر سبحان الله وعرف ان ده اختبار من ربنا وحمد ربنا على كل شىء على كل نعمة هوه مخدش باله منها على كل لحظة سعيدة وحزينة لان الفرح والحزن من عند الله ومقدمناش حاجة الا احنا نقول الحمد لله ولو نسيت تقول يبقى خسرت كتير.
علشان مطولش يا جماعة والله الحياة جميلة الحمد لله بكل حاجة فيها حلوه او وحشه بس خلى بالكوا انتوا اللى قادرين تمشوها او توقفوها بس الاحسن خليها تشمى وقول الحمد لله وبلاش يأس بقى خلينا نشتغل علشان نبقى حاجة.
وفى اخر الكلام احب اقولكم "الحياة حلوه للى يركبها " الحق بقى قبل ام التزاكر تخلص والقطر يمشى.

كلمة الحمدلله قلت بجد فى الوقت الحالى مش بقيت بسمعها كتير
من الناس ..
فكرتك جميلة وموضوعك لفت نظرى لحاجات كتير فعلا
بارك الله فيك

بجد كلام جميل جدا
وفعلا لازم نقول الحمد لله فى كل الأحوال

وفى الحالتين هو خير للانسان بس حكمتنا المحدودة مش بتخلينا نعرف ده فى وقته