اتفرجو على حالة الشاب لما بيحب !

juliet الثلاثاء فبراير 03, 2009 9:18 pm

اول حاجة انة طول اليوم 24 ساعة وهو سرحان ومش داري بحاله ولو تنادي عليه مش بيسمعك (لا حياة لمن تنادي)... رايح scratch

ثانيا بقا : تعبان وهيمان على نفسة خالص وحابب اوى الاعدة في البيت ( عشان تليفون البيت ارخص ومش دافع من جيبة حاجة ---الله يرحم ايام زمان لو قعد يوم كان يقول البيت يخنق )

نيجى لتالت حاجة بقا : يوم بتلاقيه بيسمع اغاني عاطفية I love you

ويوم اغاني شجن وهيام وغرام ويوم اغاني خيانة وغدر وساعات ساعات احب عمرى (سبحان مغير الاحوال والله يرحم ايام اغانى الدنيا خربانة و أشر )
afro

ياااه على رابعا : كله كوم بقي لو شاف فيلم فيه الحبيبة بتدافع عن حبيبها او تموت عشانه لو تشوف وشه تلاقي الدموع بتغرق العمارة كلهاوعلبة مناديل زينة جمب اللب على التربيزة ( جاى على باله وفاكر ان جوليت بتعمل نفس الشئ )
خامسا: طول اليوم برفان مفحفح منه عن بعد 6 متر وشوية (كان بيستحمى مره في الشهر والكولونيا في المناسبات بس )
affraid

سادسا: لبسة بقا كلها الوان وردي وسماوي وبنفسجي واحمر ( فاكر نفسة رشدى اباظة ولا عمر الشريف )
واخيرا لانة بجد الراجل اتبهدل كدا معانا : Suspect

صوته لو تسمعه تفتكرى انك بتكلمى روميو رومانسي جنتل مان ومرهف المشاعر والاحاسيس (من الاخر كدا فارس نزل فى زمن غلط -- الله يرحم لما بيرزع باب البيت وهوة خارج منة)

Pure Life الأربعاء فبراير 04, 2009 6:41 pm

اعذروه يا جماعة وسيبوه يعيش يومين لانه لو حب بجد والى بيحبها ادته صابونة بيعمل اسوأ من كدا
موضوع ظريف يا جوليت بس يا ترى انتى هاتعملى ايه لو انتى اللى فى الموقف دا ؟؟؟

juliet الأربعاء فبراير 04, 2009 9:46 pm

لا يا ادمن انا هعمل حاجات تانية خالص يعنى مثلا هسمع enrique وممكن كمان اخلية يعزمنى فى كوك دور Very Happy

دا غير بقا حلقات كرومبو عمرى ما هفوتها واتابعها واحلها lol!

لا ببقى متميزة اوى لما احب زى ما انت شايف كدا

Pure Life الخميس فبراير 05, 2009 8:59 pm

شكلك فاهم يا نصه

???? الجمعة فبراير 06, 2009 2:42 am

ههههههههههههه حلو الموضوع ده وبجد الحاجات دى بتحصل مع اللى بيحبوا بيبقوا ناسيين الدنيا بس شوية كده بس فى الأول على العموم سيبوه يحب يا جماعة ويفرح يومين احنا محتاجين الحب فى حياتنا اليومين دول وكل يومين واذا كنتم مش مصدقينى بصوا على التوقيع بتاعى