هل هي مساله مبدا اما اننا لا نرحم بعض

Moon light الإثنين مارس 23, 2009 6:20 am

حصل موضوع غريب اوي

كنت راكبه ميكروباص الترعه عشان اروح(موظفين بقي غلابه)
الوقت كان متاخر الساعه 10 ونص

اول ما ركبنا طلب الاجره 50 قرش
بصراحه دفعت بس في واحد من الركاب اعترض فرد السائق وقاله انا هلف بيك ولو اي حد راكب من المحطه ذاتها بس في طريقي هيدفع الاجره عاديه المهم يعني قامت خناقه وواحد من الركاب ادخل واقعد يقول احنا مش بنرحم بعض وبنجي في الهيفه(اسفه للفظ) ونقف

الموضوع شغلني اوي واقعدت افكر الي الفرق بين 30 قرش و50 قرش

ومن ناحيه تانيه الي يتهوان في حاجه بسيطه يتهون في الي اكبر منها

مين الصح

انه فعلا مساله مبدا اني مش هتهاون في حقي

ولا اي هو الفرق اني ادفع اكتر 20 قرش مع العلم اني لو روحت اي مصلحه حكوميه هدفع قده 100 مره

Pure Life الإثنين مارس 23, 2009 2:58 pm

انا الاول استغربت ان اسمك موجود فى المنتدى السياسى لان من الواضح ان البنات كلهم خايفين يدخلوه مش عارف ليه
تانى حاجة برضه استغربت ان الموضوع دا محطوط فى القسم السياسى مع انها حالة اجتماعية مش سياسية بس رغم كدا مش هاشيله من هنا وذلك لهدف فى نفسى
بصى يا مونلايت
الحالة اللى احنا عايشنها من ذل وهوان سياسى وان المواطن طول عمره بياخد فوق دماغه وساكت ومبيعرفش يمارس حقوقه الطبيعية ولا بيعرف يقول لا .. كل دا هو اللى عودنا على الاستكانة فا يا اٍما نسكت ونتذل ويتعمل فينا كل حاجة واحنا مبننطقش يا اما نتكلم ويقولوا علينا رجعيين أو ارهابيين أو اى مسمى من المسميات الغريبة اللى كل شوية يطلعوهلنا ..
لو اتعودنا نقول لا فى حاجات صغيرة هانتعلم ازاى ناخد حقوقنا فى الحاجات الكبيرة .. ومش موضوع ان ال 20 قرش دى مش فارقة نقوم نسكت لا لان ال 20 قرش دى بتجرجر حاجات تانية كتيير
ليا صديق طبيب هو ولسة امتساز السنة دى النقابة بتاعته هنا فى الدقهلية لمت من دفعته كلها فلوس عشان بند معين كدا مش عارف هو ايه المهم المبلغ تقريبا كان فى حدود الـ 100جنيه او حاجة كدا المهم لما راحوا النقابة الرئيسية فى القاهرة اكتشفوا ان مفيش البند دا اصلا مش موجود وان الفلوس دى اتاخدت منهم كدا يعنى كام واحد فى النقابة الفرعية نصبوا عليهم ولموا من الدفعة كلها حوالى 70 ألف جنيه هما برضوا دلوقتى فى نفس المشكلة ..يا ترى يكبروا دماغهم والمبلغ مش مستاهم ولا يعملوا قضية ويبلغوا النائب العام
بلد محدش فاهم فيها أى حاجة

hasan الثلاثاء مارس 31, 2009 9:59 pm

هو مع السواقين بالذات دى مبدا بتحصل معايا وكنت بسكت فى البداية وفى سواقين بحس انها خلاسة منهم بصمم اخاد الباقى وانا نازل بقوم معطية للتباع ان كان كويس او او حد طلع ركب وانا عرفة او غلبان ادفعله علشان اوضحلة ان قيمة الربع جنية او 20 قرش دى مش قيمة بس الاستغلال وحش اما بالنسبة للموضوع كلية طب فانا ليس معك يا وليد لان نقابة الاطباء تعرف بانها افضل نقابة وانهم مبدحكوش على حد والاكيد الفلوسالى خدوها ممكن يكون صحبك مفهمش البند صح ممكن يكون كان علشان غزه واكيد علشان غزه ومش مهم مادامت الفوس لم تذهب الا الى وجه الله والى اخوننا فى غزه فهى مدخرة لهم عند الله تعالى"ما نقص مالا من صدقة"ولعلم ان كانت ذهبت الى غزه فتكن نيه صاحبك انها جهاد وليست صدقة

Pure Life الأربعاء أبريل 01, 2009 9:46 am

يا حسن دفعة طب كلها عاملة مشكلة مش صاحبى دا بس
وعلى فكرة الموضوع احتمال كبيير يتصعد ويترفع قضية الموضوع دا بجد

هل هي مساله مبدا اما اننا لا نرحم بعض

هل هي مساله مبدا اما اننا لا نرحم بعض

رد: هل هي مساله مبدا اما اننا لا نرحم بعض

اكيد لازم نوضع حد

رد: هل هي مساله مبدا اما اننا لا نرحم بعض