كل سنة وكل أم طيبة

noha said الأربعاء مارس 18, 2009 3:19 pm

السلام عليكم....كل سنة وكل أم طيبة
وبالمناسبة دى وصلتنى رسائل تنظيم زيارات لأمهات..... مش أى أمهات .....

سوف يقوم ((شــباب فــرسان)) فرع دمياط بزيارة لدار المسنين
(برأس البر)

وذلك يــوم الثلاثاء الموافق 24/3/2009 بمناسبة عيد الام
عدد المقيمين بالدار 20 مسن

عاوزين الكل يشارك معانا فى اسعاد ناس محتاجة نكون معاها وجنبها
وان شاء الله نقضي معاهم اكبر وقت ونحاول نسعدهم وندخل الفرحه لقلوبهم
ونقدملهم هدايا في اخر اليوم تعبر ولو بجزء صغير عن حبنا ليهم

للاشتراك فى تنظيم اليوم او المساهمة فى تكاليفه
الاتصال على
0122940489
http://groups.yahoo.com/group/ForsanElKheir
http://www.new.facebook.com/group.php?gid=2725430078

ودى رسالة تانية من جروب تانى ....جروب بداية....وهى رسالة خاصة بيهم بينسقوا مع بعض هيعملوا ايه ان شاء الله ...أنا حذفت منها بعض التفاصيل اللى مش هتفيد هنا زى بعض الأسماء

بيحاولوا يعملوا حاجة لأمهات بتكافح مع أولادها....فى صراع حقيقى مع المرض ....محتاجين ولو كلمة تشجيع ....لمسة حنان...حاجة تحسن

نفسيتهم ونفسية أولادهم....

يوم الام في مستشفي الاورام

اليوم السبت 21/ 3 إن شاء الله

-التجمع الساعة 10.30 صباحا في المستشفي

-الساعة 11 صباحا هيكون ميعادنا عشان نجهز الحفلة هنطلع الدور العاشر المكان اللي هنعمل فيه الحفلة وهناك هيكون في فريق التجهيز والفريق ده هيكون مطلوب منه إنه يجهز القاعة الخاصة بالحفلة من خلال تجهيز الزواق والبالونات والفريق ده هتكون مهتمه تجهيز مكان الحفلة باسرع وقت ممكن وتوصيل اللاب والسماعات والبرجكتور الفريق التاني فريق هيكون فريق التجهيز 2 وده هيكون مهمته إنه يجيب الامهات والمرضي من الحجرات للصالة ويوفر الكراسي بشكل دائري عشان كل الناس تبقي شايفه ويقعد المرضي والامهات في الاماكن المخصصة ويحاول يظبط شكل المتطوعين بحيث لو فضل عدد كبير منهم يكونوا واقفين وارء الكراسي من وراء الامهات والاطفال وبرضة بنفس شكل الدائرة وده كله خلال فترة نص ساعة

-الساعة 11.30 هتبدا الحفلة بكلمة يلقيها عم محمد رجائي وخلالها هيتكلم عن الام

-بعد انتهاء عم محمد رجائي من كلمته هيكون عرض الفيلم المتعلق بمسشفي الاورام والاطفال والمرضي وامهاتهم

-بعد انتهاء فقرة عرض الفيلم هيقدملنا عم عبدو بقي مقطوعات موسيقي بمناسبة عيد الام عزف علي الاورج

-بعد عم عبدو هتبدا فقرة الالعاب مع الاطفال عشان يشاركوا معانا وفي مسابقة بين المتطوعين وبعضهم هنعلنها هنا ع الجروب لاحسن قصيدة شعر عن الام والامومة واللي هيكسب معانا هيفوز بالقاء القصيدة دي بصوته علي الناس كلها في الحفلة والفرصة موجودة في التوبيك هنا كله يكتب بخصوص قصيدة الام والناس هتختار احسن قصيدة

-بعد فقرة الالعاب هيكون هناك فقرة التكريم والفقرة دي هيتكرم فيها الامهات لاطفال المرضي وكمان هيتكرم دكتوره من مركز الاورام وكمان الممرضات وده اقل شئ نقدر نقدمه ليهم علي المجهود الكبير اللي بيقوموا بيه

-بعد كدة توزيع الهدايا علي الاطفال والادوية والعسل

إن شاء الله
هنكون محتاجين للمتطوعين
فريق لتجهيز الادوية والعسل
فريق لتجهيز القاعة
فريق التجهيز 2 وده مسئوليته الاطفال واسرهم

اتمني ان كل المتطوعين يشاركوا واللي يومها مش عارف يعمل إيه يحاول يوصل ليا وانا هاجيبله حاجة يعملها بس المهم انه يشارك لو حتي بابسط البسيط

بالنسبة للي حابب إنه يشارك في تكاليف اليوم الاستفسار
في رقم محمود الخليجي 0108531134

فريق الادوية والعسل هيكون مسئولية محمود الخليجي
فريق التجهيز 1 و 2 هيكونوا مسئولية محمد علي ( تكاشي )

هيتولي تقديم الفقرات والبرنامج أحمد فارس

مطلوب كل الناس تيجي وترسم بسمة علي وجه طفل ممكن نكون إحنا أخر حاجة حلوة بتحصل له في حياته

يارب اكون وضحت كل شئ بالتفصيل ويارب بجد يقدرنا نعمل الخير بكل نظام ويارب تقبل منا أعمالنا خالصة إليك

أي استفسارات متعلقة باليوم بخصوص البرنامج او المشاركة او أي اضافات
مسئولين اليوم
حسن عيسي 0106784287
أحمد ممدوح 0106900575

ياريت بجد اللى يقدر يساعد فى انه يرسم بسمة على وجوه الناس دى مايتأخرش...