هجوم اهلوى من واحد اهلوى متعصب ومش متعصب

هذه المقاله رد على المقاله المنشوره فى اخر الصفحه
اهلاوى متعصب ومش متعصب
Ahmedsonson6@yahoo.com
مش عارف ابدا كلامى منين انا مش صحفى سواء فى جريده كبيره او حتى صغيره بس انا شفتك وقعت فى غلطات كبييييره جداااا انا او غيرى من المشجعين ممكن نقع فيها ولو وقعت فيها محدش يلومنى لانها مش وظيفتى ولو انا صحفى تحت التمرين مش هقع فى الغلطات دى
فى مقالتلك يوم الجمعه 21 ديسمبر فى مقاله بلا تعصب المفروض كنت تسميها(بتعصب) مش بلا تعصب لآنك واضح جدااااا انك كاره الاهلى انا مستعد اجزم انك زملكاوى بس مش عيب انك زملكاوى اكيد انت كاره كل ماهوا احمر
ثانيا غلطت فى مشجع ممكن يغلط هوا مش صاحب سلطه علشان تهاجمه ولا علشان هوا اهلاوى يبقى يستحق الهجوم؟؟ (تلقيت رسالة من قارئ من هذا النوع من البشر - أهلاوي طبعاً - غاضب لانني اجتزت المنطقة الحمراء وهاجمت سلوكيات مدربه.. من عجب ان يقول هذا القارئ ذو الخيال الشارد أو المريض إنني أحاول الحصول علي شهرتي من الهجوم علي جوزيه) وصفته بالمريض؟؟!! ليه علشان اهلاوى ولا علشان بيدافع عن واحد (جوزيه) شايف انه عمل للنادى اللى معملوش اى مدب فى اى (نادى تانى) وقلت انه قالك انك عايز تشتهر بهجومك على جوزيه؟؟ وايه مزعلك كده الا اذا كان كلامه صح وعمره ده ما هيخليك محبوب ممكن تكون مشهور ولا حاجه بس ده هيقلل من اسهمك.
المشهور حاجه والمحبوب حاجه تانيه لان قليل الادب برضه مشهور ومعروف انه اخلاقه زى الزفت
وقلت على جوزيه ( ناسياً أن هذا الجوزيه الذي يتشدق به ويدافع عنه طرده النادي الأهلي قبل ذلك لأنه فشل فشلاً ذريعاً في تحقيق أي انجاز لأن مجموعة اللاعبين الذين كان يقودهم كانوا دون المستوي أو عجز هو شخصياً عن اعدادهم الاعداد الجيد ) هوا مين اللى كان بيدرب ريال مدريد ومعاه زيدان ورونالدو وفيجو من سنه 2002 لحد السنه اللى فاتت مدربين حمير وكان معاهم نجوم العالم ولا انت متعرفش ريال مدريد اصلا خلاص مين اللى بيدرب الزمالك دلوقتى ومن 3 سنين؟؟ ومعاهم حازم امام وغيره من النجوم اللى بنشوفهم فى المجلات وبعد لما اشتروا هذا الكم من اللعيبه ؟؟ انا مش مختلف معاك ان جوزيه مدرب فاشل (اخلاقيا) علشان عصبى بس!!! لكن اداريا اختلف تمام الاختلاف حد يقدر يقول ان حسام حسن لاعب فاشل؟؟ (نسيت لما هوا وابراهيم بعد ماتش السته اشاروا بالاصبع وبالجزمه) كده هما فاشلين؟؟ ابراهيم سعيد فاشل؟ شيكابالا فاشل؟ عمرو زكى فاشل؟ وغيرهم ممن اشار بالاصبع وبالجزمه .
ولا انت ماشى على هوا الناس وده غير اللى انت قلتله فى بدايه المقاله كل ده علشان غضب من زميل ليك وهاجمه هجوم قاسى شويه امال الناس اللى بتهاجم جوزيه زى سيادتك كده هوا مش من حقه يغضب انتوا عملتوا زى (للى بيعذب واحد كل شويه يخبطه بطوبه ويجرى ولما طوبه جت فيه وصرخ وشتم جيبتوا الناس تتفرج على الراجل المجنون) مش برضه كده وممكن ترفعوا قضيه على جوزيه لانه هاجم صحفى طيب دلوقتى علشان انت عارف ان صوت الجمهور مش زى صوت الصحافه بتشتم الجمهور وتصفه بالمريض؟؟ ولا الصحفى احسن من الجمهور اصل انا شايف لما سيادتك غلطت فى مشجع اصعب من ان جوزيه رد على واحد غلط في حقه انت غلط فى كل المشجعين (تلقيت رسالة من قارئ من هذا النوع من البشر - أهلاوي طبعاً) هما بيقفشوا الاهلاويه ولا ايه؟ معنى كلامك (تلقيت رسالة من قارئ من هذا النوع من البشر – متخلف طبعاً) عيب عليك لما تكون صحفى وبتأدى امانه توصيل المعلومات الصحيحه للناس وتتكلم بالتعصب ده وبعدم الحياديه دى وكمان مش ترد على صاحب المشكله لا بترد على اللى متعاطفين معاه معلش فى اللفظ ( مقدرتش على الحمار بتتشطر على البردعه) دى مش شطاره دى خيبه
نتكلم على جزئيه تانيه (ولكن لكل زمان حدث وحديث في هذه المرة فرغوا له أندية مصر من النجوم ومنحوه كل ما يحلم به أي مدرب في مصر أو العالم) هوا الاهلى سرق اللعيبه دى ؟؟ ولا اشتراهم برضا النادى اللى هما منه او خلصت عقودهم؟؟ وليه دلوقتى الزمالك بيطبق نظام الاحتراف وهوا اى نادى فى العالم (من الانديه بتاعت البطولات) مبيشتريش اللاعب الجاهز ومبيدفعش الملايين علشان يشترى لاعب يبقى احتياطى للاعب اساسى فى الفريق لايمكن الاستغناء عنه؟؟ اليس حسن مصطفى كان فى الاهلى وتركه وعندما تألق ولفت النظر اعاده الاهلى؟؟ كذلك جوزيه كان فى الاهلى وعندما اكتشفوا الخطأ فى تركه اعادوه لتعود البسمه من جديد
هما اشتروا محمد شوقى ليه ونادى مش كبير ولا حاجه ؟؟ علشان لو حصل وان لاعب اساسى اتصاب او اخد انظارين يقوم يدفع بلاعب احتياطى قوى فما بالك بانديه البطولات . معلش كلامك فى الجزئيه دى يدل على عدم فهم فى الاداره تماما وعدم فهمك فى الكوره خالص .
(الغريب ان هذا الذي أرسل رسالته إليّ يقول: انه ليس عندنا مدربون ويتساءل ماذا لو خرج فاروق جعفر أو طه بصري عن شعوره) برضه لتانى مره بتغلط فى الراجل اللى هوا مشجع مش عالم او شهير فى عالم الكره (في مصر مدربون علي أعلي مستوي لو توفرت لهم امكانيات جوزيه ولاعبيه لحققوا انجازات رائعة جداً.. فمنهم من أضاع الدوري علي جوزيه نفسه "المحلة مثلاً" أليس مدرب المحلة من المدربين الوطنيين؟!)
ياترى المدربون اللى على اعلى مستوى دول مع احترامنا الكامل لاخلاقهم ولهم شخصيا عملوا ايه فى الدورى المصرى؟؟ هم على اعلى مستوى لمجرد انهم هزموا الاهلى مره بالصدفه او تعادلوا معه او اتهزموا بصعوبه او اضاعوا عليه بطوله؟؟ فى حين انهم مهزومون من جميع الفرق!! وهم يكافحوا لكى لا تهبط فرقهم الى القسم الثانى !! عجبى
اليس هذا الجوزيه هوا من ادخل لغه الهجوم فى الكره المصريه؟؟
اليس هوا من فاز بالدورى بفارق اكتر من ثلاثين نقطه عن اقرب منافيسه؟؟
اليس هوا من اظهر لنا محمد ابو تريكه؟؟ هل كان مشهور فى ناديه مثل الاهلى؟؟(مع عشقى الكامل لابو تريكه)
اليس هذا من صعد بالاهلى للعالميه حتى لو لم يحقق فى العالميه اى شيء مثل (المركز السادس من اصل ستة فرق فى كأس العالم) اليس هوا من حقق برونزيه كاس العالم اليس هوا من فاز بمجموعه من الارقام القياسيه التى من الصعب تكرارها اليس هوا من صنع بطوله امم افريقيا 2006 بنجوم فريقه على رأسهم الحضرى وتريكه وشوقى ومتعب وجمعه وبركات وحسن مصطفى والنحاس وعبد الوهاب رحمه الله اليس هم صانعى البسمه فى مصر؟؟ ولولاهم عمرنا ما كنا شفنا كاس الامم؟؟ ودلوقتى بتهاجموه علشان عايز يحافظ عليهم او لاسباب اخرى يعلمها الله والمرضى اللى مش لاقيين بطوله معلش فى التشبيه زى الكومبارس اللى بيستنوا البطل يقع علشان ياخدوا منه اى بطوله .. ولما يقوم البطل كله يستخبى فى جحوره .. عجبى على اللى بيستنى غلط الأخر علشان يشمت فيه او يفضحه فى حين انه نفسه مفضوح ديما ومبنسمعش غير الصويت بتاعهم

مشكلتنا أننا لا ننظر إلي الأمام أبداً ولكننا ننظر تحت اقدامنا وهذا هو سبب تأخيرنا عشرات السنين عن غيرنا.
الحدق يفهم:
بعض الناس: بلا منطق ولا ضمير وبلا حياديه وبلا فهم لطبيعة عملهم
على فكره ممكن اكون غلطت كتير لغويا او تعبيريا وممكن ترد عليا متصفنى بالمريض برضه بس فى النهايه دى مش شغلتى ولا وظيفتى وقلت انى ممكن اغلط فما بالك باللى دى وظيفته وبيغلط على طول.!!!



مقالات رياضية
بلاتعصب
مريدو جوزيه!
محمد جاب الله
mohgaballah@gmail.com
من عادتي ان أسبح وفق هواي لامع التيار ولا ضد التيار. فقد أسبح مع التيار اذا كان الأمر يتوافق مع مبادئي وأفكاري والعكس.. لا أتأثر بآراء الآخرين خاصة إذا كانت شاذة أو خارجة علي الاجماع العام.. وللأسف الشديد قليل من الآراء والأفكار تتخذ من المنطق والعقل أساساً لها.. في حين أن الغالبية العظمي من الآراء تتجه اتجاهاً يوافق هواها حتي وإن كان هذا الهوي مريضاً أو يفتقر إلي الموضوعية والدقة.
تلقيت رسالة من قارئ من هذا النوع من البشر - أهلاوي طبعاً - غاضب لانني اجتزت المنطقة الحمراء وهاجمت سلوكيات مدربه.. من عجب ان يقول هذا القارئ ذو الخيال الشارد أو المريض إنني أحاول الحصول علي شهرتي من الهجوم علي جوزيه.. ناسياً أن هذا الجوزيه الذي يتشدق به ويدافع عنه طرده النادي الأهلي قبل ذلك لأنه فشل فشلاً ذريعاً في تحقيق أي انجاز لأن مجموعة اللاعبين الذين كان يقودهم كانوا دون المستوي أو عجز هو شخصياً عن اعدادهم الاعداد الجيد.. ولكن لكل زمان حدث وحديث في هذه المرة فرغوا له أندية مصر من النجوم ومنحوه كل ما يحلم به أي مدرب في مصر أو العالم.. بالتالي تحسنت النتائج وصار جوزيه "فرخة بكشك" لدي جمهور النادي الأهلي وله ذات مصونه لا يستطيع أحد ان يقترب منها.. ومن حقه ان يثور ويغضب ويخلع سترته ويلقي بها أرضا ويعترض علي التافه من أخطاء الحكام ويستفز جماهير الخصوم ويهاجم الصحفيين جهاراً نهاراً!
الغريب ان هذا الذي أرسل رسالته إليّ يقول: انه ليس عندنا مدربون ويتساءل ماذا لو خرج فاروق جعفر أو طه بصري عن شعوره؟ وأحب ان اطمئنه ان طه بصري أحد المدربين المشهود لهم بالاخلاق الرفيعة ولم نره يحتج بأسلوب غير لائق أو ينزل إلي ارض الملعب أو يلقي بسترته أو يرفع صوته مجرد رفع!
في مصر مدربون علي أعلي مستوي لو توفرت لهم امكانيات جوزيه ولاعبيه لحققوا انجازات رائعة جداً.. فمنهم من أضاع الدوري علي جوزيه نفسه "المحلة مثلاً" أليس مدرب المحلة من المدربين الوطنيين؟!
مشكلتنا أننا لا ننظر إلي الأمام أبداً ولكننا ننظر تحت اقدامنا وهذا هو سبب تأخيرنا عشرات السنين عن غيرنا.
الحدق يفهم:
بعض الناس بلا منطق