اتكلموا....اتكلموا

???? الإثنين يناير 26, 2009 1:24 pm

جبت لكم قصيدة Very Happy

اتكلموا....للعبقرى صلاح جاهين و غناها ...الفنان محمد منير

اتكلموا
اتكلموا .. اتكلموا .. اتكلموا ...
محلا الكلام ، ما ألزمه و ما أًعظمه ...
فى البدء كانت كلمة الرب الاله ،
خلقت حياه ، و الخلق منها اتعلموا ...

فاتكلموا

فى البدء كانت كلمة الرب الاله
روح بجناحين شطار ، و صار للكون مداه
آخر مطافها ،جت و حطت ع الشفاه
لما البشر ملكوا الوجود ، و استحكموا ...

فاتكلموا

الكلمة ايد ، الكلمة رجل ، الكلمة باب
الكلمة نجمه كهربيه فى الضباب Idea

الكلمة كوبرى صلب فوق بحر العباب
الجن يا أًحباب ما يقدر يهدمه ...

فاتكلموا

الرمل مرمى تحت قبة السما
مشتاق لقطره من المطر فيها النما
ملايين سنين عمره ما داقها... انما
فيه كلمة تقدر فى المراوى تِعَوَّمه ..

فاتكلموا

فيه كلمة تقدر تزرع البور حور ضليل
و كلمة تقدر تجعل الكوخ بيت جميل
و ابو العيال و الجلابية الهلاهيل
فيه كلمه تعطيه مال ، و كلمة تِهندمه ..

فاتكلموا

لكم السلام يا ملفوفين حول اللهب
يا غواصين فى القلب ع الكلمه العجب
فى البدء كانت كلمة الرحمن سبب
و ما عادش غير الحق كلمة تتمّمه

فاتكلموا

صلاح جاهين

[b]

Pure Life الإثنين يناير 26, 2009 3:03 pm

فى البدء كانت كلمة الرب الاله

ايه الجمال دا
صلاح جاهين السهل الممتنع مدرسة تعلم منه الجميع وسيظل محراب العامية المصرية يستلهم من صلاح جاهين وبيرم التونسى
ماشاء الله عليكى يا سيرين