اللى عايز يصفى يخش واللى مش عاوز هوه الخسران

طبعا بعد اللى حصل فى موضوع " اذا احببت فانتظر موعد مع الخيانة " واللى انا كان المفروض ارد عليه بس وانا ببعت الرد موصلش فكسلت اكتب تانى بس للاسف لقيت الموضوع زاد والناس فهمت بعض غلط والى حد ما وصلنا لطريق شبه مسدود فانا بحيادية جدا هعلق على الردود وازاى ان احنا نحل المشكلة لو فيه مشكلة.
انا قرات موضوع جوليت لقيت الموضوع بعد عن التراك خالص والناس ركزت فى المشاكل ودى اول غلطة ان ده موضوع يعنى كل واحد يوضح وجهة نظر بطريقته الخاصة بس اهم حاجة (الاسلوب) وللاسف لقيت ان الناس بتستخدم اسلوب غريب وكانهم بيتشاكلوا مش بيتناقشوا فى موضوع مش محتاج نقاش والحل بتاعه ان فيه حب يبقى مفيش خيانة واى حاجة غير كده متندرجش تحت كلمة الحب ولكن التسلية .وكان كل واحد ممكن يوضح وجهة نظره بابسط الكلام بس اللى انا لقيته ان الناس وضحت وجهت نظرها بطريقة غلط وده فى رأيى الشخصى بس وجهة النظر الغلط مش فى موضوع جوليت ذات نفسه ولكن فى الدايرة اللى احنا حطناها حولين الموضوع وقعدنا نلف حوليها ونسينا المركز يعنى كل واحد نسى الموضوع الاصلى وركز ان ازاى يتهان او ازاى الناس فهموه غلط وده مينفعش خالص فى المنتدى ده بالذات لانه مش منتدى عادى ولكن هوه زى بيت بيجمعنا كلنا مع بعض بعد اما خلصنا الدورة ولا احنا نسينا ده وبكده يبقى همنا ان احنا نحافظ عليه من خلال علاقتنا ببعض وفهمنا لاراء ووجهات نظر بعض.
هوه الموضوع فى المقام الاول موجه لغرام الحبيب والمشكلة اللى حصلت من سوء التفاهم واللى السبب فيه عدم الاستخدام الامثل للغة فى الرد على الموضوع يعنى يا غرام انا كنت متفهم وجهة نظرك ورغم ان انا معرفكش ويا ريت اتشرف طبعا بمعرفتك بس هنصحك نصيحة ويا ريت تبصلها من الجانب الحلو وانك لو كنت مريت بتجربة "وطبعا مفيش حد ممرش بتجربة" ف لما تيجى تعبر عن تجربتك دى قدام الناس لازم تبص للى حواليك (فكرهم - ثقافتهم - سنهم - جنسهم - علاقتنا بهم ..... الخ) دى حاجات لازم نخلى بالنا منها واحنا بنتعامل معاهم والا هيحصل سوء تفاهم زى محصل فى موضوع جوليت وده فى المقام الاول نتيجة (ينعمممممممممممم) كان ممكن تختار كلمة احسن من دى لان اختيار كلمة واحدة ممكن ينهى علاقة او ممكن يبنى علاقة وانا فى رايى كلمة (ينعممممممممممم)والى جانب كلمات مماثلة ادت لسوء التفاهم اللى حصل وسبب المشكلة يعنى انا تعتبرنى بنقدك نقد بناء علشان نفضل موجودين فى المنتدى كلنا مع بعضنا ومنزعلش من بعضنا على مواقف مش مستاهلة ان احنا نعمل منها مشكلة ويا ريت كلامى ميكنش جرح بس اعتبره كلام من اخ لاخوه او من اخ لاخته لانى معرفش انت مين لسه واحنا اتشرفنا بحضرتك فى المنتدى ويا ريت تستمر فيه وتشارك فى مواضيع تانية ونبدء صفحة جديدة مفيش فيها مشاكل ولا زعل والكلام ده موجه لوليد ومصطفى طبعا ولو كان كلامهم زعلك فده اعتذار رسمى بالنيابة عنهم بما انى مشرف فى المنتدى واول مشترك فيه وبما اننا كلنا حضرنا كورس تنمية بشرية مع بعض وعشنا زى الاخوات واكتر فيا ريت تكون رسالتى وصلت وتتاخد بصدر رحب .

محمود عبدالله

ههههههههههههههههههههه اعتذارات اعتذارات كتييييييييييييييييييير قوووووووووووووى مع انى حليت الموضوع مع غرام الحبيب خلاص وولاء تشهد انه اتحل بس ظروف النت وحشة عنده الوقتى فهوه مش عارف يرد عليكو وطبعا يا جماعة كفاية قوى الحب اللى انتوا مبينينه فى كلامكوا يعنى حاجة عشرة على عشرة علشان كده انا قررت من النهاردة انى ازعل مع اى حد فى المنتدى وكمان هسيبه علشان الناس تكتب عنى مواضيع درامية تخلينى ابكى واعرف هما بيحبونى قد ايه