دا حب ولا تسلية بمشاعر الناس ؟؟

juliet الخميس فبراير 12, 2009 5:46 pm

بعض التجارب العاطفية الفاشلة قد تنتهي في الزمان لكن آلامها يظل يلاحق أصحابها ممن يعتبرون أنفسهم قد أحبوا بصدق وكانوا أوفياء إلى أبعد الحدود... ثم دوامات نفسية وصراعات داخلية قد ينجو البعض منها وقد يكون مصير البعض الآخر مجهولا..! Crying or Very sad

تتعدد التجارب العاطفية في حياة كل انسان I love you

، ولكنها تختلف في تفاصيلها من تجربة لأخرى، وهذا طبيعي جدا لأن المراحل العمرية مختلفة وكما أن للثقافات والمجتمعات دورا كبيرا في بناء شخصية الفرد وفي تحديد مدى تقبله وتفاعله مع علاقاته العاطفية الفاشلة.
كثير من الأشخاص ممن ربطوا علاقات عاطفية متنوّعة ومنيت في مجملها بالفشل استطاعوا أن يحوّلوا لحظات ضعفهم إلى قوة وتغلبوا على مشاعرهم الفياضة تجاه من أحبوا وتجاوزوا آلامهم وأزماتهم بسرعة قياسية وكأن شيئا لم يكن.
الرجل عندما يحب فإنه يحب بقوة ومن الطبيعي أن يحزن على فراق التي أحبها لكن لفترة محدودة لأن الرجال بطبعهم أقوياء وينسوا بسرعة وخاصة عندما يشعر بخيانة المرأة التي أحببها ومنحها كل عواطفه واهتماماته وصرف عليها الكثير من أموال يشتعل بداخلهم الشعور بالاستغلال وويتجاهل كل ما حمله تجاهها من مشاعر مقابل كرامتهم.. وخيانتهم تساعدهم على كرهها أكثر فأكثر. وسرعان ما تنطوي في سجل الماضي.. فكل من أحب بعمق يكره بعمق. Question

وأيضا الثقة بالنفس عامل أساسي لتجاوز الأزمات العاطفية فكلما كان الشخص أكثر ثقة بنفسه ازدادت قدرته على تجاوز الأزمات العاطفية. لكن المرأة تتأثر كثيرا لان عاطفتها اعلى من الرجل وهذا امر معروف ومؤكد .. الفراغ العاطفي دافع كبير للدخول في علاقات عاطفية غير مدروسة، فبمجرد أن تجد الفتاة رجلا يظهر لها الاعجاب ويدعي أنه يحبها تنساق وراء مشاعرها دون أن تنتبه إلى مكر ذلك الرجل وادعاءاته الكاذبة ولكن عندما تكتشف زيف مشاعره تنهار تماما وتتمنى أن تمحى كل الأوقات التي قضتها معه بحلوها ومرّها..وتقول: "مررت بتجربة عاطفية مريرة. لم أكن أتوقع يوما أن يخذلني الشخص الذي راهنت على أخلاقه ومحبته، فرغم اقتناعي أنه لم يعد يستحق حبي وانفصالنا عن بعض منذ فترة جد طويلة مازلت أتذكر تلك التجربة بأدق تفاصيلها..

وسوف اذكر لكم رأى علماء النفس study

فى هذا الموضوع حيث يعتبرون أن مراحل تجاوز الصدمات العاطفية وآثارها تختلف مدتها وحدّتها من شخص إلى آخر، بل إن الشفاء يتعذر أحيانا إذا كانت فكرة استمرار العلاقة مع الطرف الآخر تسيطر على الانسان. وتشير الدراسات المختصة إلى أن الحالات المستعصية من آثار الصدمات العاطفية تتطلب العلاج النفسي إلا أن هذا الخيار يظل مستبعدا لدى الكثيرين الذين يهابون الطب النفسي وغالبا ما يعتمدون على الأصدقاء والمقربين للتنفيس عن أنفسهم.
يمهنى اعرف رأيكم ايضا فى هذة الفترة التى يصعب على الانسان نسيانها Exclamation

Darkness_wraith الخميس فبراير 12, 2009 7:05 pm

اولا انسه ولاء الموضوع بتاع حضرتك جميل جدا انتي عودتينا علي موضوعاتك الجميله المميزه لانك مميزه
ثانيا انا معاكي ان الجرح بيألم قوي وخصوصا لو كان الانسان بيحب انسانه بجد او العكس وميكنش عارف ان احد الاطراف بيلعب بيه او بيتسلي بمشاعره انا معاكي في كل اللي قولتيه بس مش معني كده ان الحياه تقف علي كده بالعكس لازم ننسي ولو انه صعب في نظري لان كل انسان اكيد مر بتجربه كانت قاسيه جدا عليه بس لازم يحاول ينسي ويبدأ حياته من جديد وميندمش علي اللي فات بالعكس هوه يفكر في اللي جاي ويكون اقوي من الاول وانا مش معاكي ان كل الرجاله لما بيتعرضوا لتجربه صعبه زي دي بيقدروا ينسي انا هتكلم عن نفسي واعرف ناس كتير اتعرضوا لحاجات قويه ولحد دلوقتي مش قادر ينسي بس انا ممكن اكون بضحك او بفرح علشان انسي مش اكتر لكن اللي في القلب في القلب مبيتمسحش بس بنحاول ننسي ومعاكي ان البنات بطبيعتهم عاطفيين فبيكون الالم كبير بس لازم يحاولوا ينسوا علشان مستقبلهم الكلام في الموضوع ده كتير ميكفوش مجلدات لو كتبت ويارب اكون عرضت وجهه نظري .

Pure Life السبت فبراير 21, 2009 8:55 am

ايه دا على كدا اعضاء المنتدى على اخر السنة هايكون عندهم نضج فكرى عالى جدا
يا مظبطانا يا جوليت مواضيعك دايما بتمس اوتار حساسة داخل النفس البشرية
عاوز اقولك ان مش بس البنات اللى بيفضلوا فترات طويلة متأثرين بجراحهم وزى ما مصطفى قال فى رجالة كدا برضه وعاوز اقولك ان الموضوع مش موضوع رجل او امرأة انما الموضوع هو طبيعة الشخصية فلو كانت الشخصية رومانسية وحالمة فبتتعب جدا على عكس الشخصيات العملية اللى بتنسى سريعا
موضوع ممتاز كالعادة يا جوليت احنا بعد كدا نعمل تذاكر لمواضيعك حتى لا تبقى خزينة المنتدى فارغة

juliet السبت فبراير 21, 2009 9:30 am

عندك حق هى بترجع لطبيعة الانسان نفسة ومدى الرومانسية فى شخصيتة ...

بشكرك ياادمن على زوقك وتشجيعك ليا بجد والله .. كذا مرة احس ان موضوعى عجبك .. انا فعلا اكتر مواضيعى بتمس الاحساس بس دا غصب عنى مش ببقى قصدة انة دا اللى اتكلم فية وبس .. هى بتيجى كدا بقا .. يارب تكون خفيفة وقريبة منكو ومش اكون بخنقكو بمواضيعى دى بس

غرام الحبيب السبت فبراير 21, 2009 1:11 pm

امممممممممممممم
مش عارف لية اللمة الحلوة دى بتفكرنى بموضوع تانى كاتبها ولاء برضة
واللى رد فية استاذ وليد و مصطفى برضة
فمش قادر انطق براى
ولا اية يا ابية مصطفى (وش مرعوب وبيرعش )
اقولك رأيى بينى وبينك يا لولا ماشى .. ماشى

juliet السبت فبراير 21, 2009 1:34 pm

حرام عليكى ياغرام انتى كدا هتخلينى اخاف اكتب تانى scratch

انا عايزاكى تردى براحتك خالص بصى اعتبرينا مش موجودين بس اعرفى حاجة انك لو قولتى اية حتى هنقتنع برايك اطمنى

kitty السبت فبراير 21, 2009 2:39 pm

موضوعك جميل بس فعلا الرجال قادرين على النسيان بسرعه وذلك لان الرجال قوامين على النساء فى كل شىء كما ان حب المراه كل حياتها بينما حب الرجل جزء من حياته

Darkness_wraith السبت فبراير 21, 2009 8:55 pm

يا غرام الحبيب برده انت مازلت مصمم انك تكون زعلان وتخليني ازعل اقولك لو صحيح زي ما انت بتقول اخوات هما فين الاخوات انت مش رادي ترد اهو وانا السبب في كل ده رأيك علي عيني وراسي وعايز اي حد يتكلم عليه

Darkness_wraith السبت فبراير 21, 2009 9:01 pm

كيتي انا معاكي ردك جميل بس يا تري كل الرجاله نفس النوع يقدروا ينسوا بسرعه كده ما اظنش لان زي ما ربنا خلق ضعاف القلوب وانا مش اقصد ضعاف القلوب يعني اللي معندهمش دين لا اللي قلبهم حساس شويه خلق الرجاله منهم نوع يستحمل النوع ده من المواقف وفي نفس الوقت خلق نوع ميقدرش يكون قوي قدام نفس المواقف برده وبرده العكس بالنسبه للبنات خلق اللي تكون قويه قدام المواقف دي وفي نفس الوقت خلق اللي ممكن تموت من نفس الموقف برده الدنيا فيها الاتنين ضعيف وقوي للطرفين ويا رب اكون وضحت وجهه نظري

غرام الحبيب الأحد فبراير 22, 2009 5:53 am

لالالالالالالالالالالالا انا بهزررررررر والله
بس بجد دخلت الموضوع لقيتة لجوليت الجميلة ولقيت الادمن ومصطفى مبطلتش ضحك
افتكرت الموضوع اللى فات .. بس وكدة كدة كنت هارد
وبعدين يا مصطفى انا محبش كدة انى اتكلم ومحدش يرد لا احنا بنتناقش عادى مش فيها حاجة والاختلاف فى الراى لا يفسد للزرع رية ماشى
بصى بقة ياجوليت مبدئيا انا مع الادمن ومصطفى فى ان الاختلاف فى المواقف دى راجع لفرق الشخصيات
مع انى مكدبش عليكم انا كان طول عمرى فى بالى ان الرجالة دى معندهاش قلوب ولا بيفرق معاها بل بالعكس دى غية عندهم دبح القلوب ... فكنت لا بكلمهم ولا بكلم عليهم حتى لما اسمع ان واحد متأثر لقصة مثلا فشلت معاه اقول دة بيمثل ولو بجد هينسى كمان ساعه ولا الهوا
وبعدين بدأت اتعامل مع ناس كتير وبدأت اشوف قلوب تانية اه مش كتير بس فعلا موجودة يمكن نادرة بس اهو الحمد لله ان فى منها اشاسا
والمفجأة انى بدأت اشوف قلوب بنات زى اللى كنت فاكراهم للصبيان بس يعنى فعلا الدنيا فيها وفيها
بس انا لو قبلت الخيانة والغدر لراجل عمرها ماقبلها لبنت ( اقصد ان الراجل يغدر او يخون حد )
وعلى فكرة برضة انا بتكلم عن الحب بكل انواعة حتى حب الاصدقاء لبعض
وفى كل الاحوال الموضوع بياخد فترة الواحد يجمع نفسة تانى ... لان على اد مابتحب على اد مابتخلص على اد مابيوجعك الخيانة او الغدر بس معلش اللى بيحب بجد يا ولاء عمرة عمرة عمرة مايكرة اللى بيحب بجد ممكن يقسى ااااه لكن يكرة مستحيييييييل اللى بيحب بجد يقدر يسامح لكن ميقدرش ينسى
الفترة دى فعلا اللى بعد فشل اى حاجة بتبقى فترة صعبة جداااااااا لانها ممكن تغير ناس 180 درجة للاحسن او للاسوء بكتيييييييير وكل واحد بشخصيتة ويمكن كمان على اد حبة وصدمتة بيفرق
بس يمكن انا ليا وجهة نظر لو الامر قصة حب فشلت وموصلتش للنهاية الشرعية مثلا المفروض مش نزعل لان الجواز دة مكتوب فى السما مش بايديكم لكن اللى بيزعل فعلا انتهى ازاى هى دى القضية
مش هاطول اكتر من كدة لانى بقيت رغاى قوى

noha said الأحد فبراير 22, 2009 8:35 am

موضوع حلو يا جولى

وطبعا بشكل عام الغدر والتسلية بمشاعر الناس دى حاجة فظيعة

يعنى مفيش أجمل من ان الأمور تبقى واضحة ومحددة

ومفيش داعى حد يتألم ...ولو حصل فطبعا يستعين بربنا عشان يعدى الأزمة دى ويتعلم منها ويحاول مش يفقد الثقة فى نفسه أبدا

وطبعا ده فعلا رزق فى السما ونصيب ..مظبوط كلامك يا غرام الحبيب

[b]

Darkness_wraith الأحد فبراير 22, 2009 8:56 am

اشكرك غرام الحبيب علي الكلام الجمبل ده

juliet الأحد فبراير 22, 2009 11:47 am

انا مش مصدقة .. scratch

انا بحلم ... مهندسة نهى بنفسها تواضعت وبترد على موضوعى .. بشكرك من قلبى بجد يانهى على مرورك والف حمدلله على سلامتك يابنوتة ويارب تكون اجازة خير عليكى يارب وتكونى مبسوطة كمان I love you

.... يارب يكون الموضوع عجبكو وفية استفادة لينا

Darkness_wraith الأحد فبراير 22, 2009 2:22 pm

الموضوع جميل جدا طبعا يا انسه ولاء ودايما بتكتبي افضل مواضبع

juliet الأحد فبراير 22, 2009 3:36 pm

تسلملى يامصطفى انت ديما بتحرجنى بزوقك والله .... بشكرك

hasan الخميس فبراير 26, 2009 2:18 pm

لان الحب صعب جدا انك تنسى الى انته حبيتة ولما تنساه بيكون صعب جدا وفيه اس نسيان الحب بمثاية موتهم ممكن تجليهم حاله عصبية لما حبيبة يسبة وعلشان كده لازم قبل اما نحب نكون متاكدين ان حبنا بيحبنا بجد مش بيتسل بينا

juliet الخميس فبراير 26, 2009 2:43 pm

ميرسى لزوقك يااستاذ حسن ... بشكرك للمرور والرد

Pure Life الخميس فبراير 26, 2009 4:13 pm

غرام الحبيب انتى نسيتى حاجة مهمة جدا
"حد ياخد قلبى ويدينى بداله شبشب حمام"
الكلمتين دول كل لما بفتكرهم بموت من الضحك

غرام الحبيب السبت فبراير 28, 2009 12:23 pm

( وش متنفرز )
ماشىىىىىىىى يا ادمن بقى دلوقتى بيضحكوااااااا
فاكر لما كانوا بينرفزوا ولما مكانش لاقين مشتريين

دا حب ولا تسلية بمشاعر الناس ؟؟

دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟

الموضوع جميل جدا يا انسة ولاء

رد: دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟

رد: دا حب ولا تسلية بمشاعر الناس ؟؟