نكت قبل ما نرجع المنحة تانى !!!

juliet الأربعاء فبراير 11, 2009 8:51 pm

واحد صعيدي كان مسافرفلما وصل المطار لقاهم مركبين جهازجديدعبارة عن مرايا لما تقف قدامها تعرف عنك كل حاجة,فالصعيدي انبسط و راح وقف قدام المراياالمرايا قالت: أنت هريدي من الصعيد و عندك طيارة كمان نصساعةالصعيدي اتبسط و راح لبس خواجه و راح تاني وقف قدامالمرايا,المرايا قالت: انت هريدي من الصعيد و عندك طيارة كمان ربعساعةالصعيدي راح لبس خليجي و راح تاني وقف قدامالمراياالمرايا قالتله, ايوة انت هريدي من الصعيد خليك قاعد تستهبل كده لحدما الطيارة تروح عليك lol!

واحد فشار بيحكي مغامراته لصاحبه الغلس
الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها
الغلس : يا كداب هو في الصحرة في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرة في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرة
الفشار : فضلت اجري اجري لغاية ما أكلني ارتحت ؟
الغلس : يا كداب هو في اسد في الصحرة lol!

اتنين مساطيل راكبين عربية خبطوا واحد فالسائقبيقول للى جمبه انزل شوفه مات ولا لسه قاله السكران التانى تعالى يمين شوية..أيوه.. شمال شوية.. أطلع لقدام... بس كده مات lol!

مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين lol!

واحد دخل فندق 5 نجوم كان في فرح وهو كان عايز يروح دوره المياه فبيسأل واحده
في الفرح وهو مكسوف جداًً ... وبيوشوشها في ودنها
لو سمحتي التلاوَت منين ؟؟
البنت ضحكت وقالت : قصدك التواليت ؟ .... من الناحيه التانيه
فراح لف وشوشها في ودنها التانيه : التلاوَت منين؟؟ lol!

حشاش بيقول لصاحبه :
أنا حلمت امبارح أننا بقينافنانين أنت فنان تشكيلي ..... وأنا فنان أشكيلك lol!

بنوتة بعتتها مامتها للسوبرماركت ولما رجعت قالتلها أمها: لية اتتأخرتي؟؟ قالت البنت: لحقني واحد بيعاكسني. قالت الام: كان المفروض تمشى بسرعة وترجعى البيت قالت البنت : هعمل اية هو الي كان ماشى براحة خالص lol!

محشش قطع رأس أخوه وهو نايم...وقعد يضحك ويقول: هيتجنن لما يصحى الصبح وميلقهاش !! ......... lol!

واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه ( النكتة دى بالذات لبنوتة عسولة كلنا عارفينها كانت بتاخد مننا فلوس قهرا فى الكورس study

)

مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه !!! lol!

مرة واحد بيقول لمراته "اعملى محشى" فقالت له "ما بعرفش" قلها "ماليش دعوة" فراح الشغل ورجع لقى السفرة مليانة محشى قلها "مين اللى عمله؟" فقالت "معرفش" فأشتكى للبواب، البواب رد وقاله "الشقة ديه مسكونة" فقله "لاياعم أنا هروح شقة حلوان" فطلع الشقة لقى العفش محلول وهو نازل لقى أربع عفاريت بيغنوا "هنروح حلوان هنروح حلوان"... lol!

محشش بيحل الكلمات المتقاطعة
مثنى صخرة : ح ج ر ي ن
من اجزاء الجسم : د م ا غ
رتّب : ر ص
من ابراج الحظ : ا ل ج و ز ة
يجيدها الترزى : غ ر ز ة
لمعس مبعثرة : م ع س ل
اداة استفهام : ك ي ف
تجدها فى سمبوكسة : ك ب س ة
ملقاط كبير : م ا ش ة
من اوصاف الدنيا : غ ا ب ة
يجذب : ي ش د
جمع شهيق : ا ن ف ا س lol!

واحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخيرلركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. اناطالع شغل."... lol!

واحد غبى قوى حكموا عليه بالاعدام.. بعد ما علقوه فى المشنقهقعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه.... فبص لهم وقال: ياجزم كنت هتخنق lol!

بطة راحت لبقال قالت له عندك سكر ؟؟قال لها لا.. راحت له تاني يوم قالت له عندك سكر؟؟ قال لها لأ ،وعارفه لو جتيني تاني حدق رجليكي المفلطحه في الأرض... راحت له تاني وقالت له عندك مسامير؟؟قال لهالأ .. قالت له طب عندك سكر lol!

Darkness_wraith الخميس فبراير 12, 2009 10:48 am

ههههههههههههههههههههه
الاول حمد الله علي السلامه يا انسه ولاء احنا كنا مفتقدينك في المنتدي ويارب نشوفك علي طول في المنتدي
ثانيا النكت جميله قوي قوي قوي انا كنت هموت من الضحك

juliet الخميس فبراير 12, 2009 4:42 pm

تسلملى وميرسى يامصطفى ربنا يكرمك دا من زوقك بس والله .. معلش انى غبت عن المنتدى بس فعلا كان عندى ظروف وان شاء الله ارجع تانى معاكو ..

Pure Life الخميس فبراير 12, 2009 5:37 pm

اتنين مساطيل راكبين عربية خبطوا واحد فالسائقبيقول للى جمبه انزل شوفه مات ولا لسه قاله السكران التانى تعالى يمين شوية..أيوه.. شمال شوية.. أطلع لقدام... بس كده مات

ايه الجمال دا يعنى تغطسى وتقبى وفى ايدك سمكة قصدى نكت
حلوين اوى وحمد الله على السلامة منورة منتداكى

juliet الخميس فبراير 12, 2009 6:53 pm

ياكزوفى الادمن بنفسة بيرد على نكتى
يارب مش ابقى رخمة وتعجبكو Smile

Darkness_wraith الخميس فبراير 12, 2009 7:10 pm

اكيد طبعا عجبتنا النكت جميله جدا وانا بشكرك علي النكت الجميله دي وان شاء الله نرجوا ان تكوني معنا في المنتدي ومتغبيش عنه تاني بليز

amr fekry الأحد فبراير 15, 2009 12:07 pm

النكت الصراحه جميله جدا جداااااااااا
وشكرااا

Pure Life الأحد فبراير 15, 2009 5:28 pm

بنوتة بعتتها مامتها للسوبرماركت ولما رجعت قالتلها أمها: لية اتتأخرتي؟؟ قالت البنت: لحقني واحد بيعاكسني. قالت الام: كان المفروض تمشى بسرعة وترجعى البيت قالت البنت : هعمل اية هو الي كان ماشى براحة خالص

يابنات اوعوا حد يعاكس تمشوا براحة كدا امشوا بسرعة ومتخافوش ها هايجرى وراكم